|
Gjithçka
filloi si një ëndërr e cila endej për mjaft
kohë në mendjet dhe zemrat tona. U desh ardhja e mileniumit
të ri, viti 2000, inisiativa e Qendrës Kombëtare
të Teatrit Mesdhetar dhe mbështetja e veçantë
e Ministrisë së Kulturës, Rinisë dhe Sporteve
që kjo ëndërr të kthehet në realitet. Teatri antik i Butrintit u ringjall pas më se 2500 vjetësh me Festivalin Ndërkombëtar i cili mori emblemën “Butrinti 2000”. Endrra Ballkanike”,dëshira dhe dilema e kaherëshme e mirëkuptimit, paqes, bashkpunimit, integrimit dhe lirive njerëzore, të një gadishulli plot me trazira legjenda e mite.Kjo sintezë historike, etike dhe estetike u bë realitet në Festivalin Ndërkombëtar të Teatrit “Butrinti 2000”, i cili hapi gjijtë e tij të vlyer si thellë në histori, për të pritur reagimet, gëzimet dhe dhimbjet njerëzore përballë rrjedhës imponuese të historisë. Festivali Ndërkombëtar i Teatrit “Butrintit 2000” është simbol i ballafaqimit të kulturave dhe i lirisë të krijimit artistik .Ai është arenë e dramaturgjisë së mjeshtrave të mëdhenj, të cilët vijnë dhe aktualizohen prej mbartësve të një realiteti bashkëkohor. Duke pasur në vëmëndje kryesisht repertorin antik, mesjetar dhe klasik festivali ngjan me një rikthim drejt origjinave, drejt tempullit të kahershëm: Teatrit.E gjithë kjo jep shansin e një perceptimi estetik, sa muzeal aq edhe modern në një rajon që çdo ditë kërkon të formulojë identitetin dhe të synojë integrimin.Ky është shpirti i festivalit Ndërkombëtar të Teatrit “Butrinti 2000”, kur gjithçka e projektuar nis nga lidhjet e pa zgjdhëshme të etikës personale me atë sociale, dhe të qënit koherent merr përparësinë themelore.
|
||||||||||
